Odia Grammar Rudhi

Odia Grammar Rudhi | କ୍ରିୟାହୀନ ରୂଢ଼ି | Free PDF

Facebook
Telegram
WhatsApp
LinkedIn

Odia Grammar Rudhi: free online grammar checker and proofreader makes sure everything you type is easy to read, effective, and mistake-free.

କ୍ରିୟାହୀନ ରୂଢ଼ି : –

୧. ଅନ୍ଧର ଲଉଡ଼ି – (ଅସହାୟର ସହାୟ)
ଶ୍ରବଣ କୁମାର ବୃଦ୍ଧ ପିତାମାତାଙ୍କର ଅନ୍ଧର ଲଉଡ଼ି ଥିଲେ |

୨. ଅନ୍ଧବୁଝାମଣା – ( ଅନ୍ୟାୟ ବିଚାର )
ଏ ତ ଅନ୍ଧବୁଝାମଣା ରୀତି, ମଣିଷକୁ ଯେବେ ମଣିଷ ଛୁଇଁଲା, କେଉଁବାଟେ ଯିବ ଜାତି |

୩. ଅରଣ୍ୟରୋଦନ – ( ନିଷ୍ଫଳ ପ୍ରାର୍ଥନା / ବୃଥା ପ୍ରାର୍ଥନା)
ରାବଣ ନିକଟରେ ସୀତାଙ୍କର ଆକୁଳତା ଅରଣ୍ୟରୋଦନରେ ପରିଣତ ହୋଇଥିଲା |

୪. ଅହିନକୁଳ ସମ୍ପର୍କ – ( ଘୋର ଶତୃତା)
ଭାଇ ଭାଇ ମଧ୍ୟରେ ଅହିନକୁଳ ସମ୍ପର୍କ ସୃଷ୍ଟିହେବା ଆଦୌ ଉଚିତ ନୁହେଁ l

୫. ଅଲଣା କଥା – ( ମୂଲ୍ୟହୀନ କଥା)
ତାଙ୍କର ସେ ଅଲଣା କଥା ଶୁଣିବାକୁ ମୋର ବେଳ ନାହିଁ।

୬. ଅକଲ ଗୁଡ଼ୁମ – ( ବୁଦ୍ଧି ବଣାହେବା)
ଓକିଲବାବୁ ମିଛ କହୁଥିବା ସାକ୍ଷୀକୁ ପ୍ରଶ୍ନ ପଚାରି ତା’ର ଅକଲ ଗୁଡୁମ କରିଦେଲେ |

୭. ଅଳ୍ପ ବିଦ୍ୟା ଭୟଙ୍କରୀ – ( ଅଳ୍ପ ଜ୍ଞାନଯୋଗୁଁ ଅପଦସ୍ଥ ହେବା)
ଆଶୁତୋଷ ସବୁଠି ନିଜର ଆମ୍ମବଡ଼ିମା ଦେଖାଇ ଶେଷରେ ଅପଦସ୍ଥ ହେଉଛି | କଥାରେ ପରା ଅଛି, ଅଳ୍ପବିଦ୍ୟା ଭୟଙ୍କରୀ |

୮. ଆକାଶ କୁସୁମ – ( ବୃଥା ସ୍ବପ୍ନ)
ବର୍ତ୍ତମାନ ପରିସ୍ଥିତିରେ ରାମରାଜ୍ୟ ଗଢ଼ିବାର ଅସ୍ପର୍ଦ୍ଧା ପୋଷଣ କେବଳ ଆକାଶ କୁସୁମ ମାତ୍ର |

୯. ଆପଣା ସୁନା ଭେଣ୍ଡି – (ନିଜ ଲୋକ ଅଯୋଗ୍ୟ)
ଆପଣା ସୁନା ତ ଭେଣ୍ଡି, ପର ସହିତ କଳି କରି ଲାଭ କ’ଣ ?

୧୦. ଉପରିମାଲ – ( ନିର୍ଦ୍ଦିଷ୍ଟ ଆୟରୁ ଅଧିକ / ମାଗଣା ମିଳିବା)
ଉପରିମାଲ ସଂଗ୍ରହ କରୁଥିବା ବ୍ୟକ୍ତି ଦେଶର କଳଙ୍କ |

୧୧. ଉପରଠାଉରିଆ – ( ଗଭୀରତାର ଅଭାବ, ସାରବତ୍ତାର ଅଭାବ)
ସବୁବେଳେ ଏମିତି ଉପରଠାଉରିଆ କଥା କହ ନାହିଁ, କିଛି ଘଟଣା ଠିକ୍‌ ଭାବରେ ନ ବୁଝି ଉପରଠାଉରିଆ ମନ୍ତବ୍ୟ ଦେବା ଉଚିତ ନୁହେଁ |

୧୨. ଏ ଘର ମାଉସୀ ସେ ଘର ପିଉସୀ – ( ଏପଟ ସେପଟ ଛିଦ୍ର କହି ଯେ ସବୁଠାରେ ଭଲେଇ ହୁଏ)
ଚମ୍ପାନାନୀ କଥାକୁ ମୋଟେ ବିଶ୍ଵାସ କରନାହିଁ, ସେ ପରା ଏ ଘର ମାଉସୀ ସେ ଘର ପିଉସୀ |

୧୩. ଏକଘରକିଆ – ( ସାମାଜିକ ବାସନ୍ଦ)
ଜଣକୁ ଏକଘରକିଆ କରି ରଖିବା ମାନବିକ ଅଧିକାରର ସମ୍ପୂର୍ଣ୍ଣ ଉଲ୍ଲଙ୍ଘନ ।

୧୪. ଓଳିଆରୁ ଗଜା – (ଜନ୍ମରୁ ଚତୁର ବା ସିଆଣିଆ)
ସେ ତ ଓଳିଆରୁ ଗଜା, ତାକୁ ଶିଖାଇବା କଣ ?

୧୫. କରଛଡ଼ା – ( ଦାୟିତ୍ଵ ନ ନେବା)
ସମୂହ କାର୍ଯ୍ୟରେ କରଛଡ଼ା ଦେବା ଠିକ୍‌ ନୁହେଁ

୧୬. କାଠିକର ପାଠ – ( କଷ୍ଟସାଧ୍ୟ)
ବଜାର ଦର ଯେମିତି ହେଲାଣି ଅଳ୍ପ ରୋଜଗାରରେ ଚଳିବା କାଠିକର ପାଠ |

୧୭. କୁହା ମୁଣ୍ଡା କପିଳା – ( ବହୁ ଅବାନ୍ତର କଥା କହିବା )
ଆଜିକାଲି ଶସ୍ତା ରାଜନୀତି କରୁଥିବା ନେତାମାନେ ହେଉଛନ୍ତି କୁହାମୁଣ୍ଡା କପିଳା ।

୧୮. କପାଳ ଲିଖନ – (ଭାଗ୍ୟଫଳ)
କପାଳ ଲିଖନକୁ କିଏ ବା ବଦଳେଇ ଦେଇପାରିବ ?

୧୯. କୁମ୍ଭୀର କାନ୍ଦଣା – (ଛଳନା / ଉପର ଠାଉରିଆ ସହାନୁଭୂତି)
ତୁମର କୁମ୍ଭୀର କାନ୍ଦଣା ମୋ ଉପରେ କୌଣସି ପ୍ରଭାବ ପକାଇବ ନାହିଁ ।

୨୦. କୂପ ମଣ୍ଡୂକ – (ସଂକୁଚିତ ପରିବେଶରେ ବଢ଼ିଥିବା)
ବିଜୟ ତ ଗୋଟେ କୂପମଣ୍ଡୁକ | ତାକୁ ଦେଶ ବିଦେଶ ଖବର ପଚାର ନାହିଁ |

୨୧. ଖତଗଦାରେ ପଦ୍ମ – ( ପ୍ରତିକୂଳ ପରିସ୍ମିତିରେ ପ୍ରତିଭା ସ୍ଫୁରଣ)
ରେଢ଼ାଖୋଲର କନ୍ଧ ପରିବାରରେ ଜନ୍ମହୋଇଥିଲେ ବି କବି ଭୀମ ହୋଇଥିଲେ ଖତଗଦାରେ ପଦ୍ମ ସଦୃଶ |

୨୨. ଗୋଟଏ ଚାଉଳରେ ଗଢ଼ା – ( ଅତି ସୁନ୍ଦର)
ପିଲାଟିର ରୂପ ବାହୁନିବାକୁ କିଛି ନାହିଁ। ସେ ପରା ଗୋଟିଏ ଚାଉଳରେ ଗଢ଼ା ।

୨୩. ଗୋଠଖଣ୍ଡିଆ – (ଅସାମାଜିକ ବ୍ୟକ୍ତି / ଗୋଷ୍ଠୀରୁ ଅଲଗା)
ଗୋଠଖଣ୍ଡିଆ ଲୋକ ଅନେକ ଅସୁବିଧାରେ ପଡ଼େ |

୨୪. ଗୋବରଗଣେଶେ – ( ନିର୍ବୋଧ / ମୂର୍ଖ)
ଏବେ ବି ସମାଜରେ ସାଧାରଣ ହିସାବ କିତାବ ଜାଣି ନ ଥିବା ଅନେକ ଗୋବରଗଣେଶ ଅଛନ୍ତି |

୨୫. ଘର ଢିଙ୍କି କୁମ୍ଭୀର – (ନିଜ ଲୋକ ଶତ୍ରୁ)
ତାଙ୍କ ଭାଇ ତାଙ୍କ ପତନର କାରଣ, ଘର ଢିଙ୍କି କୁମ୍ଭୀର ହେଲେ ସେ କାହାକୁ ଦୋଷ ଦେବେ ?

୨୬. ଘରବୁଡ଼ି ପାଣି ଆଣ୍ଠୁଏ – ( ଅବସ୍ଥା ଅସମ୍ଭାଳ ହେବା / ବିପଦ ଉପରେ ବିପଦ)
ଦେଶର କରଜ ଏତେ ହେଲାଣି ଯେ ଘରବୁଡ଼ି ପାଣି ଆଣ୍ଠୁଏ, ତଥାପି ନେତାମାନଙ୍କର ରାଜକୀୟ ଅୟସ କମୁନି।

୨୭. ଘୋଷାବଳଦ – (କିଛି ନ ବୁଝି ମୁଖସ୍ଥ କରିବା)
ଘୋଷାବଳଦ ହୋଇ ଲାଭ କଣ ? ପାଠ ଟିକେ ବୁଝିବାକୁ ଚେଷ୍ଟା କର ।

୨୮. ଛୁଞ୍ଚୁମାଛି ପରୀକ୍ଷା / ପରଖ – ( ତନ୍ନ ତନ୍ନ କରି ଦେଖିବା)
ସବୁ କଥାରେ ଏମିତ ଛୁଞ୍ଚିମାଛି ପରୀକ୍ଷା କଲେ ଚଳିବନି ।

୨୯. ଛକାପନ୍‌ଝା – ( ଉଭୟ ପକ୍ଷର ସତର୍କ ଭାବ)
ଜଙ୍ଗଲ ମଧ୍ୟରେ ଗତକାଲି ପୋଲିସ୍‌ ଓ ଚୋରଙ୍କ ମଧ୍ୟରେ ଛକାପଞ୍ଝା ଚାଲିଥିଲା |

୩୦. ଜପାମାଳି – ( ଅତିପ୍ରିୟ)
ନାତିଟି ଅଜାଆଇଙ୍କ ଜପାମାଳି ହୋଇଛି ।

୩୧. ଜୀବନ ମୂର୍ଚ୍ଛା – ( ଆପ୍ରାଣ ଉଦ୍ୟମ)
ଭାରତୀୟ ହକିଦଳ ଆନ୍ତର୍ଜାତୀୟସ୍ତରରେ ଦେଶର ଗୌରବ ରକ୍ଷା ପାଇଁ ଜୀବନ ମୂର୍ଚ୍ଛା ସଂଗ୍ରାମ କରୁଛନ୍ତି ।

୩୨. ଜୋକ ମୁହଁରେ ଲୁଣ – ( ଗର୍ବ ଭାଙ୍ଗିବା / ଅହଂକାର ଭାଙ୍ଗିବା)
ଜଗା ଗାଁ ଲୋକଙ୍କୁ ଡରାଉଥୁଲା ହେଲେ ପୋଲିସ ଆସିଯିବାରୁ ଜୋକ ମୁହଁରେ ଲୁଣ ପରି ଚୁପ୍‌ ରହିଲା |

୩୩. ଝାଳବୁହା ଧନ – ( କଷ୍ଟ ଅର୍ଜିତ)
ଝାଳବୁହା ଧନ ମଣିଷକୁ ପ୍ରକୃତ ଶାନ୍ତି ଦିଏ ।

୩୪. ଝିମିଟି ଖେଳରୁ ମହାଭାରତ – ( ସାମାନ୍ୟ ଘଟଣାରୁ ବିରାଟକାଣ୍ଡ ବା ଭୟଙ୍କର ପରିସ୍ଥିତିର ସୂତ୍ରପାତ)
ପିଲାକଳିରୁ ଏ ଭୟଙ୍କର ପରିସ୍ଥିତି, ଝିମିଟି ଖେଳରୁ ମହାଭାରତ ସୃଷ୍ଟି ବ୍ୟତୀତ ଆଉ କିଛି ନୁହେଁ |

୩୫. ଡେଙ୍ଗା ମୁଣ୍ଡରେ ଠେଙ୍ଗା – ( ସମସ୍ତଙ୍କ ଦୃଷ୍ଟିରେ ଥିବା ବ୍ୟକ୍ତି ଉପରେ ବିପଦର ମାତ୍ରା ଅଧକ ଥାଏ)
ଏ ଅଞ୍ଚଳରେ ଯାହା ଘଟିବ ସମସ୍ତେ ତୋତେ ଦାୟୀ କରିବେ, କାରଣ ଡେଙ୍ଗା ମୁଣ୍ଡରେ ଠେଙ୍ଗା |

୩୬. ଢୋଲ ଭିତରେ ମୂଷା – ( ଶତ୍ରୁ ଗୁପ୍ତରେ ଘରେ ଲୁଚି ରହିବା)
ତୁ କ’ଣ ଗୋପନ ରଖୁଛୁ, ତୋ ପୁଅ ପରା ଢୋଲ ଭିତରେ ମୂଷା |

୩୭. ତେଲିଆ ମୁଣ୍ଡରେ ତେଲ – ( ଥିଲାବାଲାକୁ ଅଧିକ ସାହଯ୍ୟ)
ଏ ସମାଜରେ ସବୁବେଳେ ତେଲିଆ ମୁଣ୍ତରେ ତେଲ, କିନ୍ତୁ ଗରିବର ଅବସ୍ଥା ତଳକୁ ତଳକୁ ଯାଉଛି |

୩୭. ଦେହଲଗା – ( ଅତି ବିଶ୍ବାସୀ)
ଦୟାନିଧି ଦୀନବନ୍ଧୁ ବାବୁଙ୍କର ଦେହଲଗା ବନ୍ଧୁ ।

୩୮. ନଇ ନ ଦେଖୁଣୁ ଲଙ୍ଗଳା – (ବିପଦ ନ ଆସୁଣୁ ଛାନିଆ ହେବା)
ନଇ ନ ଦେଖୁଣୁ ଲଙ୍ଗଳା ହେଲେ ବିପଦକୁ ସାମନା କରିବା ଦୁଃସାଧ୍ୟ ହେବ ।

୩୯. ନଛୋଡ଼ବନ୍ଧା – ( ଏକଜିଦିଆ)
ତାଙ୍କର ନଛୋଡ଼ବନ୍ଧା ମନୋଭାବ ଯୋଗୁଁ ପରିବାରଟା ଉଜୁଡ଼ିଗଲା |

୪୦. ନାଟର ଗୋବର୍ଷନ – ( ଅନର୍ଥର ମୂଳ)
ଗାଁ ସରପଞ୍ଚ ଟାଉଟର ହରି ମିଶ୍ରେ ସବୁନାଟର ଗୋବର୍ଦ୍ଧନ |

୪୧. ଫାଙ୍କା ଆୱାଜ – (ବୃଥା ଧମକ)
ତୁମର ଫାଙ୍କା ଆୱାଜରେ ଡରିଯିବା ଲୋକ ମୁଁ ନୁହେଁ|

୪୨. ଫଟା କପାଳ – ( ମନ୍ଦଭାଗ୍ଯ)
ମୋର ତ ଫଟା କପାଳ, ଗୋଟିଏ ହେଲେ ପିଲା ଯୋଗ୍ୟ ହେଲେନି |

୪୩. ବଣ ବିଛୁଆତି – ( ଅତିଦୁଷ୍ଟ / ମୂଳରୁ ଦୁଷ୍ଟ)
ସେ ପିଲାଟା ବଣବିଛୁଆତି, ତା” ସାଙ୍ଗରେ ମିଶିଲେ ଭଲପିଲା ବି ନଷ୍ଟ ହୋଇଯିବେ |

୪୪. ବାଆକୁ ବତା – (କ୍ଷୀଣ ଆଶ୍ରୟ)
ମହାବାତ୍ୟା ଅଞ୍ଚଳରେ ମୁଣ୍ଡ ଗୁଞ୍ଚଜିବାକୁ ଲୋକମାନେ ତିଆରି କରିଥିବା ଝାଟିମାଟିର ଘରଗୁଡ଼ିକ ବାଆକୁ ବତା ପରି ।

୪୫. ବାପରାଣ ଢିଙ୍କି ଗିଳ୍‌ – ( ବାଧ୍ୟ କରିବା)
ମୁଁ ତ ଏ କାମ କରିପାରିବିନି ବୋଲି ବାରମ୍ବାର କହିଲି, ମୋତେ ବାପରାଣ ଢିଙ୍କି ଗିଳ୍‌ କଥା କହୁଛ କାହିଁକି ?

୪୬. ବାହାଘର ବେଳେ ବାଇଗଣରୁଆ – ( ଆଗରୁ ପ୍ରସ୍ତୁତ ନ ହୋଇ ଶେଷ ମୁହୂର୍ତରେ କାର୍ଯ୍ୟ ଆରମ୍ଭ କରିବା)
ପରୀକ୍ଷା ବେଳେ ବହିକିଣା, ବାହାଘରବେଳେ ବାଇଗଣରୁଆ ସହିତ ସମାନ |

୪୭. ବାଘ ଘରେ ମିରିଗନାଟ – ( ମୁରବିଙ୍କ ଅନୁପସ୍ଥିତିରେ ବିଶୃଙ୍ଖଳା ସୃଷ୍ଟି କରିବା)
ଘରେ ବାପା ନ ଥିବାରୁ ମୁନା ଘରକୁ ପକାଉଛି ଉଠାଉଛି, ଏ ତ ବାଘଘରେ ମିରିଗନାଟ ଚାଲିଛି |

୪୮. ବିରାଡ଼ି ବୈଷ୍ଣବ / ବକ ଧାର୍ମିକ – (୦କ)
ଧର୍ମ ପ୍ରଚାର ନାଆଁରେ ଅନେକ ବିରାଡ଼ିବୈଷ୍ଣବ ସାଧୁରୂପରେ ଆମ ସମାଜରେ ବୁଲୁଛନ୍ତି |

୪୯. ବୋଝ ଉପରେ ନଳିତା ବିଡ଼ା – (ଦୁଃଖ ଉପରେ ଦୁଃଖ)
ତାଙ୍କର ସ୍ଵାମୀ ଦୁର୍ଘଟଣାରେ ପ୍ରାଣ ହରାଇଲେ, ପରେ ପରେ ପୁଅଟି ଚାଲିଗଲା, ଏବେ ତାଙ୍କ ଅବସ୍ଥା ବୋଝ ଉପରେ ନଳିତା ବିଡ଼ା ଭଳି ।

୫୦. ରାଣ୍ଡୀପୁଅ ଅନନ୍ତା / ଲଙ୍ଗଳା କଟୁରୀ / ଚାରିଦଉଡ଼ିକଟା ( ଅନାୟତ୍ତ / ଶାସନର ବାହାରେ)
ତାର ଘରଦୁଆର, ଭାଇବନ୍ଧୁ, ମାୟାମମତା ବୋଲି କିଛି ନାହିଁ, ସେ ରାଣ୍ଡିପୁଅ ଅନନ୍ତା ପରି ବୁଲୁଛି |

୫୧. ହାତ ବାରିସି – ( ଯାହା ସାହାଯ୍ୟରେ କାର୍ଯ୍ୟ ହାସଲ ହୁଏ)
ଆଜିକାଲି କଲେଜଛାତ୍ରମାନେ ରାଜନେତାଙ୍କର ହାତବାରସି ସାଜିଛନ୍ତି ।

୫୨. ହୁଙ୍କାପିଟା – ( କିଛି ନ ବୁଝି ହଠାତ୍‌ କାମରେ ଲାଗିଯିବା)
ତାଙ୍କର ହୁଙ୍କାପିଟା ନୀତି ତାଙ୍କ ବିଫଳତାର କାରଣ |

Odia Grammar Rudhi PDF Download

Odia Grammar Rudhi PDFClick Here
Odia Grammar LokabaniClick Here
Odia Grammar Rudhi MCQ TestClick Here

Odia Grammar Rudhi, Odia Grammar Rudhi, Odia Grammar Rudhi, Odia Grammar Rudhi, Odia Grammar Rudhi, Odia Grammar Rudhi, Odia Grammar Rudhi

Leave a Comment

error: Content is protected !!